भिएस कलेजले ‘एसईई अनलाइन तीज डान्स प्रतियोगिता’ गर्दै

 काठमाडौँ महानगरपालिका वडा नम्वर ७, चाबहिलमा रहेको विनायक सिद्ध कलेज (भिएस कलेज) ले महिलाहरुको महान पर्व तीजको अवसरमा एसईई अनलाइन तीज डान्स प्रतियोगिता गर्ने भएको छ ।

गत वर्षको निरन्तरता स्वरुप यस वर्ष पनि नेपाली कला र संस्कृतिको उत्थान तथा उनन्वयनका लागि एसईई अनलाइन तीज डान्स प्रतियोगिता आयोजना गर्न लागिएको जनाइएको छ ।
प्रतियोगितामा देशभरबाट एसईईमा सहभागि भएका छात्राहरुले सहभागिता जनाउन सक्नेछन् । सहभागी हुनका लागि विनायक सिद्ध कलेजको फेसबुक पेज लाईक गरि पोष्ट गरिएको गुगल फर्मको लिंकमा क्लिक गरि फर्म समिट गर्नु पर्नेछ । सो पश्चात कम्तिामा २ देखि ३ मिनेटसम्मको तीज गीत नृत्य भिडियो कलेजको ईमेल vinayaksiddhacollege.edu@gmail.com मा भाद्र ३ गतेसम्म पठाउनु पर्नेछ 
Previous Post Next Post