कर्मचारीमा कोरोना पुष्टी भएपछि जिल्ला प्रशासन कार्यालय गोरखाका सवै सेवा ठप्प

गोरखा, सोमबार, २२ भाद्र २०७७ । जिल्ला प्रशासन कार्यालय गोरखामा आबद्द कार्यालयका सवारी चालकमा कोरोना संक्रमणको पुष्टी भएपछि आज सोमबारदेखि कार्यालयबाट दिदै आएको सवै सेवा सुबिधा बन्द गरिएको छ । प्रमुख जिल्ला अधिकारी तिर्थराज भट्टराई एक सूचना जारी गर्नुहुदै अर्को सूचना जारी नभएसम्मका लागि जिल्ला प्रसासन कार्यालयले दिदै आएको अत्याबश्यक सेवा कार्यालयबाट उपलब्ध गराउन बन्द गरेको हो ।

सूचनामा अत्याबश्यक प्रयोजनका लागि बिरामी उपचार, मृत्यसंस्कार, सरकारी कामकाज, बिदेशजाने व्यक्ति लगायतका बिबिध काममा जिल्ला बाहिर जानै पर्ने आबश्यकत भए अर्को व्यवस्था नहुदासम्मका इमेल मार्फत सहजीकरण गर्ने जनाइएको छ । त्यसका लागि निवेदकले sawaripassgorkha@gmail.com मा इमेल गर्न पनि प्रमुख जिल्ला अधिकारी भट्टराईले सूचना मार्फत आग्रह गर्नुभएको छ ।

साथै, कुनै समस्या परेमा प्रमुख जिल्ला अधिकारीको मोवाई नम्बर ९८५६०५७७७७, साहायक प्रमुख जिल्ला अधिकारीको मोवाईल नम्बर ९८५६०–५७७७८ र प्रशासकीय अधिकृतको मोवाईल नम्बर ९८५०५७७८० मा सम्पर्क गर्न भनिएको छ ।